Hvernig vinna á með Lesum lipurt — einfaldar reglur, byggðar á reynslu, sem ganga í gegnum allt efnið.
Aðeins það sem er þjálfað lærist. Bókin er ætluð öllum nemendum sem þurfa að bæta lestur sinn og notast samhliða öðrum lestrarbókum.
Kennari les textann eða orðalistann fyrst, svo nemandinn sama texta. Nemandinn heyrir réttan framburð og réttar áherslur — og sjálfstraustið eykst.
Nauðsynlegt er að grípa nemandann um leið og hann er að þróa lestrarvanda, áður en hann missir áhugann.
Nemandinn á að geta lesið 90% af texta fyrirhafnarlaust — annars er textinn of þungur miðað við getu.
Gott er að láta fingurinn fylgja línunni; þar sem fingurinn er, þar er fókus augnanna.
Kennari og nemandi leysa verkefnin saman um það bil tvisvar til þrisvar í viku, í 5–10 mínútur eftir úthaldi nemandans.
Kennari og nemandi vinna saman og hjálpast að. Kennarinn les alltaf fyrst textann eða orðalistann, síðan les nemandinn sama texta. Þá heyrir nemandinn hvernig textinn er rétt lesinn og lærir um leið réttan framburð og réttar áherslur. Sjálfstraust nemandans eykst.
Stundum fær nemandinn að velja sér verkefni sem honum finnast áhugaverð. Ef nemandinn sýnir áhuga á verkefni ber að nýta áhugann, lesa og útskýra verkefnið vel og hjálpa honum að finna réttar lausnir.
Gott er oft að spyrja nemandann hver sé munur á hinum ýmsu orðum á listunum — til dæmis hvað sé ólíkt með „borði“ og „barni“ eða „bursta“ og „bolta“. Þannig þjálfast bæði lestur og málskilningur.
Orðalistar eru undirstaða hvers kafla. Þeir byggja á orðum sem hefjast á eða innihalda ákveðinn samhljóða eða samhljóðasamband. Orðunum er raðað í fyrirfram ákveðna röð eftir fyrsta sérhljóða í orði, og sú röð er alltaf sú sama í öllum listunum. Röð sérhljóðanna spilar þannig saman að lesturinn verður brátt taktfastari, öruggari og auðveldari.
Einnig getur verið gott að nota skeiðklukku — það hleypir kappi í nemendur. Oft þarf að ræða um orðin í listunum og útskýra merkingu þeirra.
Næsta skref