Bækurnar | Lesum lipurt

8 bækur í pakka

Léttlestrarbækurnar

Léttlestrarbækurnar eru átta bækur í pakka og ætlaðar nemendum sem fara hægt af stað við lestrarnámið eða eru áhugalítil um lestur. Farnar eru óhefðbundnar leiðir og markmiðið er að þjálfa vel grunnlestrarfærnina.

Textinn er léttur og einfaldur og notuð er orðaaðferðin (læra að þekkja orðin) í byrjun. Mikið er um endurtekningar sem gerir það að verkum að nemandinn finnur fyrir getu sinni og sjálfstraust eykst. Kennarinn les alltaf textann fyrst, síðan les nemandinn.

8 bækur í pakka

Sérhljóðabækurnar

Hver sérhljóðabók fjallar um ákveðinn sérhljóða eða tvíhljóð og er lestextinn spunninn utan um þau. Textinn er einfaldur og mikið er um endurtekningar, þannig að nemandinn finnur fyrir getu sinni og auknu sjálfstrausti.

Mynd væntanleg:
baekur/alfabok.jpg

1. hefti

Álfabók

A a · Á á. Lestexti spunninn utan um sérhljóðana a og á.

2. hefti

Drekabók

E e · É é. Lestexti spunninn utan um sérhljóðana e og é.

3. hefti

Rísabók

I i · Í í. Lestexti spunninn utan um sérhljóðana i og í.

4. hefti

Lóubók

O o · Ó ó. Lestexti spunninn utan um sérhljóðana o og ó.

5. hefti

Músabók

U u · Ú ú. Lestexti spunninn utan um sérhljóðana u og ú.

6. hefti

Grýlubók

Y y · Ý ý. Lestexti spunninn utan um sérhljóðana y og ý.

7. hefti

Tröllabók

Æ æ · Ö ö. Lestexti spunninn utan um sérhljóðana æ og ö.

8. hefti

Geitabók

Au au · Ei ei · Ey ey. Lestexti spunninn utan um tvíhljóðin au, ei og ey.

Fleiri bækur í Lesum lipurt fjölskyldunni

Ævintýri

Þrjár léttlestrarbækur í pakka: Skotta litla, Oddur ánamaðkur og Tréð sem vildi læra að lesa. Bækurnar eru ætlaðar nemendum sem eru að byrja að lesa sér til gagns. Ýmis fróðleikur er fléttaður inn í frásögnina og neðst á síðunum eru spurningar sem ætlað er að vekja áhuga og umræðu.

Lesum lipurt fyrir Tóta trúð

Tvær bækur í pakka fyrir byrjendur í lestri. Lestextinn er einfaldur, sérstaklega í byrjun. Með bókunum er hægt að fá sérstök stafaspjöld fyrir kennara við stafainnlögn, með tillögum að heimspekilegum umræðuefnum, tungubrjótum og framburðaræfingum sem þjálfa talfærin með áherslu á skýran og góðan framburð.

Sólin okkar

Léttlestrarbók þar sem textinn samanstendur af einföldum orðum og myndir fylgja til stuðnings, um íslensku dýrin og sólina.

Litla blómabókin

Vatnslitamyndir af 30 algengum íslenskum blómum og vísbendingar í orðum eða ljóðum sem gefa til kynna sérkenni og nafn hvers blóms. Börnin skoða myndirnar, lesa textann sjálf eða með hjálp foreldra og finna út nafn hvers blóms.

Bækurnar í Lesum lipurt